Robertson
Voorbereidingskool
Ons is ’n openbare skool in Reitzstraat, Robertson, vir kinders van Graad R tot Graad 3. Hier kry die Klein Robbies ’n stewige grondslag in lees, skryf en syfers voordat hulle na die laerskool gaan.
- Grade
- Graad R tot Graad 3
- Klasse
- Drie klasse in elke graad
- Taal
- Afrikaans, met een dubbelmediumklas per graad
- Gestig
- 1981, met wortels van voor 1894
Beplan u kind se jaar
Kies die graad en kry die skoolure, kwartale, skoolfonds, skryfbehoeftes en ’n lys vir die eerste week op een bladsy.
Is u kind gereed vir skool?
’n Gids vir ouers van kleuters, gegrond op plaaslike navorsing, met ’n lys wat u by die huis kan deurwerk en wenke vir wanneer u hulp moet vra.
Lees die gids oor skoolgereedheidWaarmee kan ons u help?
U oorweeg RVS vir u kind
Lees hoe toelating werk, watter dokumente u nodig het en wanneer aansoeke sluit.
Lees oor aansoekeU kind is reeds by RVS
Skoolure, skoolfonds, die klerebank, afwesigheid en die skoolreëls is alles op een plek.
Gaan na inligting vir ouersU besigheid wil die skool ondersteun
Sien wie reeds help en hoe u as plaaslike besigheid by RVS betrokke kan raak.
Lees oor borgskap
’n Woord van die skoolhoof
Baie welkom by Robertson Voorbereidingskool se webwerf. RVS is die tuiste van die Klein Robbies. By ons skool speel en werk ons baie hard om seker te maak dat elke leerder optimaal ontwikkel.
Ons wil selfvertroue in elke leerder ontwikkel sodat hulle die onmoontlike kan vermag. Deur selfvertroue te gee, sal prestasie, werkywer en pligsgetrouheid natuurlike uitvloeisels wees.
Geniet die kuier op ons webblad. Dit is ’n venster op alles wat in die lewe van ’n Klein Robbie gebeur.
Met respek en waardering,
Mev. Sanette Prins
Skoolhoof
Ontmoet die personeelOns klasse
Elke graad het drie klasse, en een daarvan is dubbelmedium.
In die dubbelmediumklas word Afrikaans en Engels albei as huistaal aangebied. Ouers kan dus die klas kies wat die beste by hulle gesin pas, sonder om ’n ander skool te soek. Akademie is die hoeksteen van ons skool, en ons jaarlikse sistemiese uitslae getuig daarvan.
| Graad R | Afrikaans | Afrikaans | Dubbelmedium |
|---|---|---|---|
| Graad 1 | Afrikaans | Afrikaans | Dubbelmedium |
| Graad 2 | Afrikaans | Afrikaans | Dubbelmedium |
| Graad 3 | Afrikaans | Afrikaans | Dubbelmedium |
Sport en kultuur
Sport word gedurende skooltyd aangebied, sodat elke leerder kan deelneem en nie net die paar wat in ’n span gekies word nie. Leerders in Graad 3 bly Dinsdae en Donderdae langer by die skool vir sport.
Daarnaas bied ons ’n wye verskeidenheid kultuuraktiwiteite aan. Aktiewe kinders is gelukkige en gesonde kinders, en dit is wat ons vir elke Klein Robbie wil hê.
Boodskappe van die skool kom deur d6
Omsendbriewe, kennisgewings, die kwartaalprogram en dringende boodskappe word deur die d6 School Communicator toep gestuur. Laai dit af, kies Robertson Voorbereidingskool en teken in met die selfoonnommer of e-posadres wat die skool vir u het.
Ons skoollied
Hoër en hoër sal ons bou by berge verby na die hemel so blou. Hande saam vir die R.V.S. Werk getrou is ons skool se les.
Lees die volledige skoolliedOns borge
Hierdie besighede en mense ondersteun RVS met borgskappe, skenkings en hulp by funksies. Ons is hulle opreg dankbaar.
Logo van borg Logo van borg Logo van borg Logo van borg Logo van borg Logo van borg
Wil u besigheid ook betrokke raak? Skakel die skoolhoof gerus by 023 626 3139.
Besoek die skool
Die skool is in Reitzstraat 50, Robertson. Die kantoor is in skoolure oop, en u is welkom om ’n afspraak te maak as u die skool wil sien voordat u aansoek doen.
Kry aanwysings in Google Maps